Свиток о двенадцати пятницах

Климентъ, папа Римскiй, глаголетъ, поучая нас о двухънадесятехъ пятницахъ, просто рещы времянныхъ въ году. Выписано отъ древнихъ святыхъ отецъ преданiя, аще и вси святыя пятницы, подобаетъ всякому христiанину чтити, разсуждая великiе дни и почитая праздники предъ всеми пятницами, да не прiйдетъ никое на насъ незапное зло. Первая пятница на первой неделе великого поста: кто ту пятницу чтитъ, и тотъ человекъ внезапу смертiю не умретъ. Вторая пятница предъ днемъ Благовещенiя пресвятыя Богородицы: и кто ту пятницу чтитъ, и тотъ человекъ отъ напрасного убiйства сохраненъ будетъ. Третья пятница страстныя недели великаго поста: кто ту пятницу чтитъ, и тотъ человекъ отъ непрiятеля сохраненъ будет. Четвертая пятница предъ днемъ Вознесенiя Господня: кто ту пятницу чтитъ, и тотъ человекъ отъ утопленiя по водамъ плавающимъ сохраненъ будетъ. Пятая пятница предъ днемъ сошествiя Св. Духа: кто ту пятницу чтитъ, и тотъ человекъ отъ великого недостатку и скудости избавленъ будетъ. Шестая пятница предъ днемъ рождества Iоанна Предтечи: кто ту пятницу чтитъ, и тотъ человекъ от великого не- достатка и скудости избавленъ будетъ. Седьмая пятница предъ днемъ Св. Пророка Илiи: кто ту пятницу чтитъ, и тотъ человекъ от веч- ныя муки избавленъ будетъ. Осьмая пятница предъ днемъ Успенiя Пресв. Богородицы: кто ту пятницу чтитъ, и тотъ человекъ отъ искушенiя и трясавицы избавленъ будетъ. Девятая пятница предъ днем Космы и Дамiана: кто ту пятницу чтитъ и тот челоекъ отъ великого и смертного греха сохраненъ будетъ. Десятая пятница предъ днемъ Михаила Архангела: кто ту пятницу чтитъ, и того человека имя написано будет у Пресвятыя Богородицы на престоле. Перваянадесять пятница предъ днемъ Рождества Христова: кто ту пятницу чтитъ, и тотъ человекъ при смерти узритъ Пресвятую Богородицу. Втораянадесять пятница предъ днемъ Сретенiя Господня: кто ту пятницу чтитъ, и того человека имя написано будетъ у самого Господа въ книгахъ животныхъ.

Аще кто въ те дни содеетъ что скверно или со женою своею, аще и в законе пребудетъ, то отмститъ Богъ в животе семъ веце. Аще зачнется у него детище, то будет слепъ, или глупъ, или глухъ, или тать, или разбойник, или татьбу, злу начальникъ. Того ради по- добаетъ те дни хранити всякому православному христианину и во весь год среды и пятницы чистотою провожати, а не нечистотою и не объяданiемъ и не въ блуде. Богу нашему слава и ныне и присно и во веки векомъ, аминь.